[الطائر المهاجر]

https://www.youtube.com/watch?v=XtpMC9ytV_w

الدين لله والوطن لاهله جميع = وكلٍ على فعله يحاسبه الإله
ومن راجع التاريخ يفهم به سريع= بعصر النبوه او بتاريخٍ تلاه
الناس عاشوا مع بعضهم في ربيع=وكلٍ على دينه ولاكانوا عداه
ومن خان لاوطانه وضيعٍ او رفيع = يحاسب بشده لين مايلقى جزاه
ودرب الخيانه للوطن دربه وسيع=فيه الفساد ونهب او رشوه معاه
ومن سيس لدينه او لدينه يبيع= خاين اذا هو قاصدٍ ماهو سفاه
والدين مايحتاج لاظهار الخديع=يكشفه فعلٍ ما عرف درب العصاه
ولاهو مظاهر تخدع الرجل الشجيع= ولا هو نفاق عند من يرجي وراه
اللي بقلبه دين كالحصن المنيع= يجاهد بقول الحق لو خسر الحياه
ولا من لقى من ضل لو انه لكيع= يهديه بالحكمه الى درب الهداه
متواضع ذو خلق في علمه ضليع= واليا نسى شيٍ يقول انه نساه
ولا هو من اللي بالفتاوي كالمذيع= يحب الترزز من قناة اليا قناه
قليل ما يظهر مثل باقي القطيع= وفي فتوته راكد ويبحث ما خفاه
شيخٍ جليل في صلاته لا الهزيع= يخاف من يومٍ تجف به الشفاه
الدين لله من مشى به مايضيع= ما خيب الله من يبي يكسب رضاه