اقتباس:
المشاركة الأصلية كتبت بواسطة مرزوق الصواغ
صوتت لى ياولـد قلـت اشتبيـن= قالت اوقف بنشـدك قـرب تعـال
جيتها قلـت امـري وشتطلبيـن = انشـدى لعـل ماصابـك خمـال
قالت الدعوه عليك اوفـاى ديـن = مابهـا روحـه يميـن ولاشمـال
قلـت لاادايـن ولا والله مـديـن = فى غناة الله وعنـدى راس مـال
الحوال مصلحـة والوضـع زين = ماعلي اخلاف والمدخـول عـال
اضحكت ثم اخزرتنى بطرف عين =قالت انت اشفيك فى قلبك اهبـال
ماهو دين افلوس ياذرب اليميـن = ديني اللى منه دمع العيـن سـال
السهـر والنـوح والهـم اللعيـن = والحنـان اللـى دفنتـه بالرمـال
ان سئلتك اعتـرف لاتستهيـن = فى سؤالى لايجـى فيـك انفعـال
والله انى عاعرفتك تـروح ويـن = صورتك فى صبي عينـى لاتـزال
انت من حطـم حياتـى بالونيـن = ما اكذب شوف عينـى ذا محـال
قلت من معنـى كلامـك تكذبيـن = مانى من عرفك ولا انتى بالخيال
انتىيمكنـك عـلـي تبتلعبـيـن = لك هدف لاشك مـدري شالمنـال
روحـى بدربـك قبـل لاتبلشيـن = اتركـى هالقـول يابنـت الحـلال
قالت اسمع زين نفسـك لاتشيـن = ان هرجت اهرج معايـه بالعـدال
لاتسـوى حالـك امامـى رزيـن = كن مالك فى هذاك الوقـت فـال
والله انك تـدري وعنـدى يقيـن = ماتبي تجاوب على هـذا السـؤال
قلت قولى مـن انـا لاتستحيـن = علمينـى ليـش ناخذهـا جـدال
قولى اسمى وشبعدهـا تنطريـن = يمكن انك صادقه واكـون ضـال
قالت اسمـك مانسيتـه يافطيـن = فى ملف الذاكـره ماهـو احتمال
كيف ماعرفك وانااللى ابخصك زين = مانت مرزوق ابن مثعى بو طـلال؟
يعنى لو بكذب اجيب اسمك منيـن= انت شايف كلمتـى فيهـا احتيـال
هذا شكلـك لاضعيـف ولامتيـن = وهذه نسفت غترتك فوق العقـال
ليش تنكر من لها شوق وحنيـن = جادلن جازيتهـا قطـع الوصـال
صرت جاسى فى هواهـا ماتليـن = استغليـت الغـلا وذاك الــدلال
تدري انى منك حالـى كالسجيـن = مابقا فينى عقـب مارحـت حـال
اترجى شوفتـك فـى كـل حيـن = ماتخـاف الله حطمـت الامــال
وين ذاك الحـب والسـر الدفيـن = يامعودنـى علـى سهـر الليـال
فى يدينك راحت القلـب الحزيـن = انت سبة حزنه اللى منـك طـال
ويش اسوى بس خذهـا كلمتيـن = اه منكـم اه منـكـم يالـرجـال
قلت والله ماذكـر اللـى تذكريـن = كان لك حـب قديـم الوقـت زال
ويش يذكرنى بعـد ذيـك السنيـن = يالله اذكـر صدمتـى بالاحـتـلال
مامضالـك راح سـرك لايبـيـن = وشتبين بشايبـن جالـه اعيـال
استري مافات لك والله يعين = مالنا باللى مضى شـف ومجـال
العمـر لـه دور كانـك تفهميـن = والجهـل ولـت لياليـه الهـزال
قالت اشوفـك نكـرت العاشقيـن = ماتطالـع فـى بديعـات الجمـال
انـت تـوك ماوصلـت الاربعيـن = لاتعـذر كيـف اصـدق مايقـال
مانته امطوع ولابك زود ديـن = والدليل ان كشختـك اكبـر مثـال
كان مـاودك اتصافحنـى اليديـن = الله يسامحـك فـى كـل الحـوال
وادبرت والدمع فـوق الوجنتين = تكسر الخاطر وراحـت بالعجـال
|
مرزوق
الله الله الله
ماذا نقول امام هذا الابداع
صح لسانك واعتلى شانك
ولاهان راسك
مبدع كالعاده
دمت بهذا الابداع والشموخ
تحياتي وتقديري