رد على ابيات وصلتني من ابن اخي حمد عبدالله
ياالله ياوالي عليك التدابير=العين في موقه سوات الشراره
خط لفاني من صبي المخاسير=ابن اخوي اللي كبير وقاره
لاياحمد صارت بقلبي سواعير=والعين دايم دمعها في غزاره
ذكرتني ناس قروم مناعير=اخواني الاثنين رمزالطهاره
راحو وحنا بالاثرنتبع السير=دنياك هذي ماعليها جساره
لو بتعذر ماتفيد التبارير=ملزوم كل حي يفارق دياره
الله عليها للعنا والتحاسير =وماهي تجي يامسندي بالجباره
ايامها حبلى بكل التعازير=مندوبها للهم في كل حاره
اصبروصابروالفرج بالتياسير=ورزقك تطوله يارزين العباره
توكل على اللي بالسما يمسك الطير=والحرمثلك يفتهم للاشاره
جلدت قافي لك ولو فيه تأخير=وفي خاطري هم بعيد مداره
لاكن على شانك يابعد المذاخير=سطرت شعري لك بشوق وحراره
داعي من الرحمن في كل تقرير=يتغمد اللي راح والخلد داره