[النهر الخالد]

المشاركة الأصلية كتبت بواسطة محمد عبدالله البدراني

هجسٍ بقلبي له كبار المصاريع = هجن وبيبان الضماير له اوساع
من عام الاول يدهل القلب ويريع= لين ايقن انه ماتمنع ولاطاع
واركى عليه اعتى واشد الشواليع =هوج الهجوس العاتيه لادعى الداع
داعٍ من الذكرى وسودٍ بها ليع= قلبن من الوجلى غدا له تمزاع
ماهوب وجلن لاجل نجلٍ مواجيع = ولاهوب عنهن ساليٍ لو به اوجاع
نجل العيون الفارهات المفاريع= اللي لهن كم ابلج صار مطواع
وان جا مجال اوصاف غيدٍ متاليع= يجوض من نار الوله كل مولاع
صب براه الود ...... والسد ماذيع= يما صدفهن وانثنا عنه رجاع
متسربلاتٍ من طغى الحسن اناويع= مستذيرات ولدن الطرف وانصاع
على ضياء بدر وغر مناصيع = ليل توشح للدجى منه باقناع
وكشحٍ اليا داعب اسدوله ذعاذيع= براق نوٍٍ ٍ في دجى الليل لماع
معهن مضى لي قبل لامضي بتوقيع = هوجن تشالع مضغةٍ بين الاصباع
هوج الهجوس اللي بقلبي مناشيع = لا شلعن به واعتلن سبع القاع
في غيهبٍ يذهب به الفكر ويضيع= متاملن بالوقت والوقت خداع
وافنان جناتٍ سقاها ينابيع =طيف عبر وابحر بلا شط واشراع
واليا تيقن من معانيه توديع= لارياض روضٍ له بافاييه ينٌـاع
اضحى بعدهن بين جردن بلاقيع= في موحشٍ دو خلا مابه افزاع
تهاوى افجوجه وال هبوبه هجاريع= صوتٍ به الناظر يمل من الاسماع
وهمٍ يمزع مهجة القلب تمزيع= وروحٍ لها من جاير الوقت نزاع
وهجوسي اللي كل ابوهن شواليع= واهداهن اللي للمعاليق شلاع

وهذه تحياتي
مع اسمى ايات الشكر والامتنان فائق الاحترام واطيب المنى رعاكم الله

الاخ الشاعر القدير

محمد عبدالله البدراني

صح لسانك حتى ترضى ولا هان راسك

شاعر لا يختلف عليه اثنان قمه في الابداع والمفرده الجميله

بارك الله فيك وسدد خطاك اخي محمد

تقبل تحياتي وتقديري لك