اقتباس:
المشاركة الأصلية كتبت بواسطة علي بن مساعد الغامدي
شفت اللي ماشفتوه
وبغيت أوصف
وعجز قافي
وتجمد حرفي
الله يجيركم
غزل عفيف في أجمل العيون
مع التحية لمن لهم الفضل بعدالله في هذيان حرفي
متواضعة أمام الهامات الشامخة
كتبت الشعر لعيونك وليت الشعـر وفّاهـا = بجنب احلى عيو ن ادري كلام الشعر ياشينه
بغى يوصف محاسنها خذا منهاولا اعطاهـا = تراجع يوم شاف إنه ورث من بعضها زينه
يموت الحرف بلسانه ويغرق لو شرب ماها = ومن كثر السواد اللي كساها ما درى وينـه
غروره ذاب في صمته ومن ضعفه ترجّاها = عساها تغفر الزلة وتعـذر رجفـة إيدينـه
تقدر وقفة العاجز حزين ويطلـب رضاهـا = يقول إنه غلط مرّه وعذره ما قضـى دينـه
تحدّاني وطاوعتـه ولكـن مـا تحـدّا هـا = تعثّر بالرموش اللي غدت ما بينها وبينـه
رموش(ن) حدّها يذبح وسحر الكون يغشاها = وهو مسكين جا يحمل معاه أبيات مسكينه
رجع لي يكسر الخاطر وكنّه بعـد ماجاهـا = عجوزٍ ناهـز التسعيـن ماشالتـه رجلينـه
يقول ان الحروف اللي معه وبحور معناها = تلاشت جنبها وانهار ركن القاف في عينه
حلف لي مايكرّرها ويكتـب عـن مزاياهـا = تناسى عزّته مرغم وانا طالبك تنسينه
|
الشاعر علي مساعد الغامدي
ياسلام عليك كل بيت أحلى من الثاني
أستمتعت بقرائتها ولي عودة للإستمتاع
صح لسانك مليون ولا يكفون
تقبل تحياتي وتقديري
هاجس نجـــــــد