أسعد الله وقات الجميع
صحيح كل(ن) راحت العين نومه=وأنا شقاء عيني ظلام أسود الليـل
عيني سواد الليل خاوت نجـومـه=تبغى الجدي نجمه يسولف عن سهيل
ولها بنجم سهيل لا بان هـومـه=لولآ الفجر مرسل لعيني مراسيـل
مرسال نور الفجر عيني تلـومـه=وشتاقت الهوشه على كنسن حيـل
تقل النجوم بحال عيني رحـومـه=تطرد وراهن بالنظـر والدرابيـل
تبني أمانيها على أشيـاء معدومـه=عـزي لعينـي بالليـال المقابيـل
الليل لو ياعين تصدق حلـومـه=كان الجدي نجمه غدالـي مداهيـل
ياعين من راوى مايقضـي الزومـه=والبحر سباحه مايشره على النيـل
واللي كشخ بهدوم ماهي هدومـه=ياعزتيلـه لا وقــع بالمحابـيـل
يبرز عظلاتـه وتقصـر كمومـه=والريح ماهزت جبـال البرازيـل
ياعين دامك بالضمير محشـومـه=نامي قبل لاشد سـرج التماثيـل
وغوص بحرً غبتـه تقـل كومـه=تقطعت فيـه السبـل والمواصيـل
في شاربي لا قلت أعومـه لعومـه=كان المعاند وصل شرب الفناجيـل
ولابيع وأشري وأرفع بسعر سومه=اليا رفعو سعره زحول الرجاجيـل
كملي وصدري مزعجاته همو مـه=من كل صوب هموم قلبي زعا جيل
صابر على وقتي ولاهـب سمومـه=موجز خبر في محتـواه التفاصيـل
ياعين خلـي كـل شيـن بيومـه=القصه انهيهـا بالأحـداث تمثيـل
قدام كاتبهـا يوضـح علـو مـه=ويفتح لبيبـان الروايـه مداخيـل
ترى بطلها أبعد بالانظار حـومـه=شاعر وطاب الكيف له والتعاليـل
وبالليل كل(ن)راحت العين نومـه=أنا يريحنـي ظـلام أسـود الليـل