هذا اقل شي يستحقه مني الزميل فلاح بن منشار الزهراني
وهو اخ عزيز جدا ولو انني لأعرف وجه الا ان مراسلاتي معه
جعلتني اتأثر مما صابه بعد الحادث ،، والحمد لله على سلامته
يالله يافارج على العبد همه = يابا الفضائل وابعبيده رحومي
جانا الخبر قالو فلاح بهمه = واثره مرقد عاجزٍ مايقومي
من حادثٍ صابه وهوراح يمه = مكتوب بالألواح وهذا لزومي
ومن طيب راسه دس علمه بكمه = من خوف تشغلنا عليه الهمومي
مجار مما جاه من هالمطمه = وعساه سالم جعل مثله يدومي
الله ايجيره من صواديف لمه = وايعيضه الله بالصبر والعزومي
تكفى يابو عمار لارحت يمه = سلم عليه وبخسه من اعلومي
لوهومن الرديان والا الخممه= ماقلت له ماجور لو شيخ قومي
لاكن ابن منشار ذكره ايزمه = فوق الجبال النايفات محشومي
ماقط شفته غير طيبه ايهمه = ماغير بالمرسال عرف القرومي
رد فلاح بن منشار على القصيده :-
يامرحبا بالقـاف واحسـاس قمـه=حاز الوفاء والطيب واوفى السلومي
جزل المعاني ماختلط فيـه جمـه=بلسم جروح وشوفه ابرى كلومـي
من شيخ ماحن الخُطا وقت غمـه=زار المريض وماطوتـه العقومـي
قلنا تمون وفالـك العـود شمـه=قدرك عزيز ولو على الحلف لومي
المري الـي خاسـرٍ مـن يذمـه=راعي القداء نشريه لو غليْ سومي
عالى الشـرف ياحـظ دارٍ تضمـه=من لابةٍ بالعـز فـوق النجومـي
ابن الوذين الي ملا النفـس همـه=منصور يوم الجد يمحي الحلومـي
خوي ابو عمـار ماخـاب سمـه=صاحب فطين وما غوي كل عومي
لحظـات مـرت ماهتنينـا بلمـه=لامن ذكرت اطيافهـا عـز نومـي
يالوجه الابيض كل علمـن تتمـه=مثلك كريم وجعل وصلـك يدومـي