[فارس القوافي]

البارحه قلبي على الزين ونّي=من بعد ما روّح و فالقلب ونّه
سريت ليلي من عذابه اغنّي = من عُقب ما خيّب ظنوني وظنّه
روّح وخلاّني بليل التمنّي = احلم يعوّد لي ويضحك بسـنّه
لكنّ ماعوّد وانا له أحنّي = سهران طول اللــيل جرحي اكنّه
اشتقت له والقلب ياصاح جنّي = في غيبته كلّ الحواس اشتكنّه
ليه امتحنّي بسّ ليه امتحنّي = ما ريّح الخافق ولا راح منّه
اقفى وبيدينه حبيبي طعنّي = قتل فؤادٍ ما نشـد غير عنّه
ياليت جوّالي برقمه يرنّي = واسمع سـواليفه وصوته وفنّه
ذاك اللذي زينه ووصفه يعنّي = مثل القمر صعب الملا يوصفنّه
اوصافه اللي كالخيال ابتلنّي = اخاف من عين الحسد لو ترنّه
ادعج كحيل العين حبّه سكنّي = ماراق لي غيره ولو فاح بنّه
ربروب ويحبّ الدلع والتّثنّي = سكّر لسانه لا حكى استجِنّه
خفيف دمّ وضحكته تذبحنّي = اموت به ياليت يرجع يحنّه
والبارحه قلبي على الزين ونّي = من بعد ماروّح وفالقـلب ونّه