هذه القصيده وجهتها لأحد الزملاء لعل الله يجعل فيها خير له ولنا
ياهيه ياللي دربكم فيه ركّه = دربك خطر مافيه ممسى ومقيال
يبين الرجال على المحكّه = وانت اللذي مثلك الى قال ينطال
انت اللذي شرواك مافيه شِكّه = اسمع كلامي احيث بين بك احوال
نسمع كثيرعلوم مع كل سكِه = قالو نهج حيث اتجه صوب هيال
من طاوع النفس الخبيثه تشكّه =في دربها بكل الخبايث والاهوال
ومن طاوع النفس الدنيه تصكّه =ترديه للهونا ومعصية رب الاجيال
خلك بطل واحكم كما حكم لكّه =وابعد من درب المعاصي بالافعال
لاتقول مابه وقت مافيه فكّه = غيرك عثر ثم اعتنز مثل الابطال
ابعد من اهل السوء مجلس ودكّه = في بعدهم تلقى المعزه والأمال
يالليث يالضرغام انهج لمكّه = واطلب من المولى يبدل لك الحال