[شوق]

متواضعه
رد على بني علمان
آمل أن تحوز ذائقتكم

ملاحظه/ أُكرمكم عن بعض الكلمات
التي وردت بالنص لكن هي بحق
يستحقها من كانت فيه من بني علمان

*****

اي والله ان العز للراس نوماس=وأنا أشهد ان الذل ماهوب ساسي
لبست ثوب العز ضافي بمقياس=ولا الردى مافيه ثوبٍ مقاسي
الله يثبتني على الحق ياناس = واقدر على ضرب المنافق بفاسي
ياللي تدافع زايف القول لاباس =مادام قولك بالرذيله يحاسي
والله ماحركت شعره بـ .هالراس= الريح ماهزت جبالٍ رواسي
يامدعي تحريرنا شارب الكاس = تبطي عظم ماخالط الذل كاسي
حجابنا بامر الولي خالق الناس= لاتحسب ان الدعوى لعبة كراسي
نطبق رواية عائشه وابن عباس=ولا أنت قولك تحت رجلٍ يداسي
يلا الخلا مالك مقامٍ ومجلاس= منا يجيك الرد صارم وقاسي
من نجد حنا من ذهب صافي الماس=لك أنت في روما ولندن نحاسي
بنت العرب ماهيب لعبه للادناس = ناظر مقامك واجتنبها ياخاسي
نعلن بصوت الحق وندق الاجراس = في وجه من ينقد ستير اللباسي
(حنا بناتٍ) رابياتٍ على ساس= ماننحني لاهل الردى والطفاسي
مثل الدرر ماجابها كل غطاس = أذكّرك لو كنت للحق ناسي

شوق

***