المؤشر
القلب من صدك هناء .. مايبشّر=والموت برقه لاح وامطر وُراعد
ياصاحبي دشّر (هل) الحكي .. دشّر=ومسعد يشابه .. بالنوايا .. مساعد
واذنك لاترخيّها لصوت المحشّر=شوره على جمع الشمل مايساعد
ناس(ن) .. سوالفهم سوات المؤشّر =مره نزول .. وُمره يصير .. صاعد
ويقشرون البيض لو ماتقشّر=ويسيسون البيت .. ماله .. قواعد
والمبتسم ماتفرقه بالمكشّر=والحلو .. يِْقْلّبّ .. مر .. لا .. لا .. تباعد
وانا عميل الخير .. وان جاني الشّر=مانيب مستسلم .. ولانيب .. قاعد
وامر تدلل وارفع اصبعّْكْ واشّر=حاضر ماأجل .. مطلبك .. بالمواعد
وظفّت قلبي .. لك .. وغيرك مطشّر=حبك في قلبي مايجيّه التقاعد