اقتباس:
المشاركة الأصلية كتبت بواسطة فارس القوافي
ياثورة انفاس الصــــدور الحـــزينه = هبّي عليّ وكفّنيـــــــني بالاكــــفان
ضاقت بي الدنيا وروحي سجيـنه = والعمر وقّف بي على كــــومة احزان
ما ذقت من دنياي غير الغبـــــينه = وما عشـتها في يوم ياناس فرحــــان
عُقب اللذي روّح وجافا حنيـــــــنه = اقفى وانا ادري به على العهد للآن
مجبور يتركنــــــــي ويترك سنينه = مجبور يتناسى وفي صــدره اشجان
والبارحه شفته وعيـــــــني بعينه = شفت الحزن في محجر العين طوفان
شفته وفي عيــــنه جروح ٍ دفينه = اقبـــــــــــل وحاله ناحل ٍ والحزن بان
جلست انا ويّاه .. وايدي ابيــــدينه = واحسّ به رعــــــشه وهو حيل تعبان
يبكي وانا ابكي ثمّ مدّ ابيمــــــينه = وقال سامحنــــي ترى الحبّ ما هان
بغيت اضمّه والمـــــــــلا شايفينه = وخفت حـــــــكي الناس وعيون عيّان
والله لو بيـــــــــــدي لاقبّل جبينه = واحضنه واشــرب دمعةٍ فوق الاوجان
لكنّ راح الوقت منّي بحيــــــــــنه = يامســـرعه كيف انقضى يوم لي زان
ثمّن توادعنا وراح المـــــــــــــدينه = سافر وقـــــــــلبي ما تهنّى وضميان
ما امداني افرح فيـــه ويني ووينه = روّح وشلّ الروح وامســــــيت شفقان
هذا اللــــــــذي ياناس بيني وبينه = ان اجتمــــــــعنا ساعة ٍ ضاعت ازمان
دايم فراق وما عرفنا الــــــسكينه = والحب يتزايد ولا فيه نقــــــــــــــصان
يزيد حبّي له وروحي رهيـــــــــنه = ويزيد حبّه لي ولا فيه خســـــــــــران
واليوم قلبي ما اســــمع الاّ ونينه = واعدّ وقتي وانتـــــــــــــظر جيّة افلان
وسلامتكم
|
الله الله
صح لساااااانك ملايين
سلمت وسلم منطوقك الجزل يامبدع
ربي يعطيك العافية