[الخنساء]

المشاركة الأصلية كتبت بواسطة الطائر المهاجر

كيبورديه قصيره ، لتحريك الشاعريه بعد الركود

لا صرت لا "واوٍ" ولا حظ ترجيه = تموت كالعيدان واقف مكانه
ادنى هبوب يطرحك منت قاويه= ولا احدٍ يسرك لو تحالى لسانه
ومادام ذا وضعك وتدري خوافيه= فلا بد ماتفكر تغير بشانه
غامر بليا خوف من شي تحريه= وجمد فؤادك لا تجيه الليانه
فالذيب ما يغفى على البطن طاويه= والحر مثله لاعصف به زمانه
ومن ارتضى بالدون محدٍ مخاويه= يعيش وحده ماله ادنى مكانه
اما حياةٍ بالمعزه تعليه = وإلاّ ممات ينقذه من هوانه

صح لسانك مليون ولايكفون
قصيدة جزلة من شاعر جزل متمكن
ترجمت الواقع وانا اشهد انك صادق
لاهان راسك
سلمت ودام حرفك