يابنت ياللي نظرتك تسحر الناس= انا دخيـل اعيونـك الساحراتـي
اعيونك الخجلا على النوم نعـاس = تسرق قلوب اهل الهوى بالحلاتي
ياعين شيهانه على رجم واطعاس = صويبها لازم يشـوف الوفاتـي
يابو خدودٍ بيض ياعدم الاجنـاس = بيـض الثنايـا لايقـه بالشفاتـي
القلب من حبك ترى جاه وسواس = جاته همومـه ماهنـاه المباتـي
يسهر طوال الليل والقلب حساس = ان ماهتنا يابنت راحـت حياتـي
خطرٍ عليه يصير عباس فرنـاس = يرمي بروحي من على النايفاتـي
اما يفوز وياخذ الـدرع والكـاس = والايصير العمر بعـدك شتاتـي
يصبح خبرنا شايع الذكر في واس = هذا صحيح العلـم علـمٍ ثباتـي
=خالد عتيق النفيعي