[سهيل الشمري]

يال..... هذيت الحرف واجزلت المعاني =ودي اذكر في حروفي كم بك القلب استهاما
ساحره قلب المعنا درةٍ هزّت كياني =نخت لك والله اعلم رحت في بحر الهياما
يال....... فديتك دام بيدينك عناني =ارفقي في قلب عاشق وارحميه من السقاما
طاح لك يانور عينه شاف بك كل الاماني =شام عن كل العذارى واهتوى بارضك مناما
بالصباح وبالعشيه فيك هذيانه يباني =ترجمه في حرف شعرٍ سطّره باعذب كلاما
يابعد من له دنيّه اقبلي من جاك عاني =مدّ لك يمناه يسال عطفك بولد الكراما
لامنامٍ حلّ عينه عاف حيّه والمكاني =هام في بحر الهواجس لين لاموه الاناما
صار هجسه فيك دايم مابها حلف ورهاني =انظري نزف القصايد كلها لاجلك تقاما
جيّر حروفه لعينك يابعد قاصي وداني =حامله صدق المشاعر من خفوقٍ فيك هاما
اااه ياطول الليالي واااه ياسود الزماني =كان مانلت المراد وعني اظهرت الشياما
في رجى الرحمن يوصلنيك ياعذب الثماني =بك تعديت الحدود بفتنتي بنت الحشاما
هذي حروف الشمالي منبعه قلبٍ يعاني =سطّره علّك تروف وتورده شفّ ومراما