كيبورديه مع الحدث والعذر من كل خلل وزلل
نبكي نحيب او ننثر الدمع بسكات=او نشجب ونستنكر ونزبد وبس
عقبه نتمتم قولتن فات ما فات=نقرا السطر من أوله ونتنفّس
نقعد كما اللي مالين شدقه القات=لاراغبن ياعي ولوطاح ماحس
مشهد قديم مكررن بالملفات=لو نرجع لأرشيفنا شي يفرس
تطولنا الايدي ولو بالمغِبّات=وتكمم افواهن لنا دون تنبس
وان احترك فينا من الهم هنّات=او انتفض منّا غبارن مكدس
صاح النذير انك مدرب جماعات=وانك مع الإرهاب خاين ومندس
والحق كل الحق لاهل الزعامات=واذنابهم في ماخذ الظن والحدس
ابوأنس