[شجاع عمر الأكلبي]

0

أقفيت عنها غصب مانيب راضي=إقفاي ذيب ٍ له على البدو كرّة
ياشبه برق ٍ في دجى الليل ناضي=بعدك عليّ مشهاب في القلب حرّة
مانيب من عشقه يجي فعل ماضي=والبعد مايمحى له رسوم جرّة
خلي عليّ لاخلت براق هاضي=مابين شوفي واللوامع مقرّة
يافهيد خلي مايجيب المقاضي=ولاله مع الأسواق كرّة وفرّة
ريم ٍ لياشاف التفافيق جاضي=يحرم على غيري يجيه ويمرّه
لابطيت عنه الراس يشظاه شاظي=قربه علاج الراس والبعد شرّه