[منصور العبدالله]

المشاركة الأصلية كتبت بواسطة الطائر المهاجر

الايام تبدي ما خفى من بدايد= وتكشف عن الرجّال وقت الشدايد
فكم من صديقٍ للطواري تعدّه= تمنّيت لو هو عن طريقك محايد
وكم من أخٍ لك بيّن الوقت بدّه = تغيّر عليك وما لقيته سنايد
وكم من بعيدٍ ما حسبتَ لمدّه= لقيته كريمٍ والوفاء له عوايد
وبعض الرجال ولو ثبت طيب جدّه= فلا تجهل إن النار ترّث رمايد
ياما خدعنا الرجل في حسن ودّه= ولا ندري إنّه اختلف بالرغايد
لبس ثوب غربي قاصرٍ لو يشدّه= ولو قلت له عاري فلاهوب فايد
يهمه رصيده كل يومٍ يعدّه = ولو باع من حوله ببخس الزهايد
يظنّه بجاهه يضمن اللي بغدّه = تجاهل ليالٍ حافله بالمصايد
فما طار طير إلاّ وقع في ملدّه= ومن وصل للقمّه هوى للوهايد
لك الله زمان العولمه باح سدّه = غدا الرجل طبعه من ذوات القلايد
وغدا الحر تحت البوم يلوي بيدّه= ولو عاكس التيّار كسب الضدايد
زمن سم/حاضر/ في نفاق المودّه= على شان ما نخسر زهيد الفوايد
ولو يدرك الإنسان جزره ومدّه = وفكّر بمنهو راح ماهوب عايد
مصيره مثل غيره الى الله مردّه = فخفف من ذنبوك تراها بزايد
فلا تشري الدنيا بدينٍ تهدّه= وتنسى الذي تدري بوعد ووعايد
خلقني اله الكون حرٍ بشدّه = فليش ارتضي بالذل والعمر بايد
فذلٍ لغير الله عن الدين ردّه= يحاسب عليه العبد يوم الحصايد
ابرحل ونا مبداي مقدر افدّه = ولو شفت ذل الخلق بالكون سايد

عجزت عن اختيار بيت ازين به ردى

استاذى القدير

صح لسانك مليااااار

قصيده وارفه بها من الحكم ما يدرس ويدرس

عادتك يابو عبد الله الجزاله

فقط لاحظى بشرف التواجد بالصف الول سجلت المرور

ولكن ساعود لظلها كثيرا لاتزود

تحياتى ورد