جديدي لهذا الاسبوع لعله يحظى باعجابكم.
طير الحمام اللي بصبح ومسيه=في كل يوم آصبحك ثم امسيك
مره على الحامي تغني شويه=ومره ترفرف فوق وعيني تراعيك
لا تبتعد عني وقرب إليه=وعطيك حب وماء وكلش يراضيك
وبيك في موضوع يطري عليه=يجول في بالي عسى الله يحميك
حمام يا محبوب وتحمل مزيه=حمل الرسايل عادةٍ لك تحليك
ودي معك أبعث رساله نقيه=إلى حبيب القلب طابت مساريك
طالبك تحمل لي معك له هديه=حث المطير وعجل الله يخليك
لا جيت داره بالبلاد العذيه=وقع وغرد نبهه عن مساعيك
بيقول لك يا طير وش معك ليه=إرم الرساله قدم عينه يحييك
في لحظه تلاقيه فك الوصيه=وعلى لسانه يذكر اللي له ادعيك
يقرا عليك ارسالتي ويش هيه=يقول لك اسمع مضامينها هيك
سلام مني يا العزيز وتحيه=ياللي الى هالحين يا روحي اغليك
مع السلام اهديك ورده شذيه=تفوح منها ريحة العطر تحييك
طمني عن حالك وويش القضيه=نسيتني يا زين يا عل ما ابكيك
رغم اني اعاني بعادك خفيَّه=ما زال لك داخل ضميري مفاليك
أنا محبك في مليون كيه=وسط الحشا ودواي عندك وبرجيك
ارجيك يا شبه الغزال الهنيه=في وسط روضٍ راتعٍ في مفاليك
ارحم بحال اللي عيونه شقيه=في كل ليل الدمع منها مسافيك
الوصل منِّك يبري الجرح فيَّه=حيث الوصال اقوى علاج إلمحبيك
يا زين جرح القلب سبب أذيه=ونته ولا تدري عن اللي مصافيك
ويا طير لا خلص كلامه كذيه=اخفق جناحك وانتظر لين يعطيك
يعطيك رد ارسالتي كيف هيه=يا عل رده وافيٍ شافي يعطيك
ورف بجناحينك وودع وحيه=وعود علي أنا انتظر ومتحريك
حمام عقبه ننهي المسرحيه=ونسدل ستار البست ويا الشبابيك