قولوا لبوش الظلم يا بـوش مافـاد
فرعون قبلك انتهـى بـه مسـاره
شعوب كل الأرض تكرهـك باحقـاد
وانت اللذي بزعمك تقود الحضـاره
اية حضاره تنبنى فـوق الاجسـاد
وترقص على سفك الدماء في عهاره
حولت هذا الكـون غابـه للاوغـاد
بقيادتك يا من سعـى فـي دمـاره
يدور دهـرك يالوغـد دون ميعـاد
وتشرب بنفس الكاس ذل ومـراره
من تابع لماضيـك يعرفـك معتـاد
لسحر اليهود وكاس نخب الدشـاره
مريض نفس ورافع سيف الالحـاد
مافيـك ذرة ديـن تعطـي اشـاره
مافيه دينٍ يامـرك فـوق الاشهـاد
تقتـل بـرئ وامـن فـي ديـاره
قلبك حجر واقسى من الصلد لاعـاد
يالعنبـو شعـبٍ عطـاك الامــاره
تبي المكاسـب لآل بـوشٍ بتعـداد
حتى ولو شعبـك سرقـت ادخـاره
وحطيت لك عذرٍ له الشعـب ينقـاد
يبـي الأمـان وجاهـلٍ بالستـاره
رسمت للإرهـاب خطـه والامـداد
وانت اللذي بالحقد ترفـع شعـاره
ما طار طيـر إلا وقـع دون صيـاد
وانته بحيل اللي وعدنـا انتصـاره
لابـد مـا تاقـع ونشفـي للاكبـاد
ويفرح بيومك مـن تضـرر بغـاره
د.عثمان العبدالله ..
صح السانك مدد بلا عدد يالقرم ولاهنت ..
تحيتي لك / مشاعر حالمه ..