[عبدالله الشويمان]

المشاركة الأصلية كتبت بواسطة ناصر عبيد الهواوي

جلا جلا الماء من طويلة جالي=والى إمتلت ماء0ربها يخرجها
مصررة ومشملة وهجالي=وردن وجن إجفالها يرهجها
غطن مشافرهن وهن إعجالي=من خوف سبر القوم لا يدرجها
تجول مثل الصيد يوم إنجال=حس التفق من كل ريع ازعجها
خمة إجروم ٍمع غياب رجال=وأهل العقول أوضاعها تحرجها
صاب الضماير والقلوب أوجال=ما أدري وش اللي باقي ٍيبهجها
وجاء للمعارك بالهروج إسجالي=والدار لفني بالفشق تدبجها
تقول ماأحد ٍمن ربوعي جالي=وباراك نار الحرب في أججها
ياقدسي ابا أرثيك وإرث لحالي=نحور الركايب عن عربنا عجها
أبكي رجال ٍفي زمان ٍخالي=قوم ٍعلى نهج النبي منهجها
قال الجواب المعتصم طوالي=هو ما تشوفه والآذان اصنجها
وحرم على نفسه عناق الغالي=وخلى الغنوج وشام ما غانجها
وجهز جيوشه والرماح طوالي=وإل عمورية وجهته برمجها
وأركى على العدوان حر الصالي=وكربة هله في غزوته فرجها
وصلاح أذل أهل الصليب إذلال=الروم من مسرى الرسول اخرجها
وفيصل قراره نفذة بالحال=وخلى الأمم والأمن ما سامجها
أوقف مبيع النفط لو هو غالي=وسفه هل الأشوار ما هرجها
خلى إنجليز وجرمني وإيطالي=على السياكل والشوارع دجها
تكفى يابو متعب قد الأبطال=لا أخليت غوجك من تبي يسرجها
انت المقدم ما تصير التالي=إكتوتمت خذ حربتك وإبعجها
وحنا معك في كل مر وحالي=في كل كبد ٍحاقدة وهجها
عالي علمك ودام رأسك عالي=شم للشهادة كان ماجتك إجها

يا سلام على هذه المجارات الجزله

الاخ ناصر صح السانك يا الجزل

قصيده وافيه وجزله وقيمه..لا هنت يا الغالي