احمد الزايدي
ياسلام الله سلام جايكم وأبا أبتـدي بـه=عد ماهل السحاب من المزون وسال سيله
كل رجال سنافي فالحقيقـه بـأن طيبـه=والجمل سمحان يبرك للخفيفه والثقيلـه
الطامي
ياهلا يامرحبا بالزايدي شابٍ او شيبه=ردة ومقدمه له وان لفانـا او تجيلـه
مالفا منكم هلابه والمعسَـر لاتجيبـه=زان نظم القاف مابين الظهيره وتعليله
احمد الزايدي
البقابك يالمرحب كل نشمي نعتـزي بـه=ومن يقدم طيب قدمه يبـا طيبـه يجيلـه
أحمد الله واشكره والدين الأسلام أهتدي به=في طريقي ماشى (ن) وأدل كيلوه وميلـه
الطامي
كل رجل يالسنافي علمه الطيب نبيبـه=وانت قافك بالعلوم الغانمه شفنا نزيله
هات ماعندك وخل القوم تردح وتعديبه=حرف خير وقاف شعرٍ ودنا نسمع ذبيله
احمد الزايدي
من يروم المرجله يحتاج له سطوه وهيبه=والمراجل ماتجي دون المتاعب مستحيله
وادنا نغزي مع الغازيـن ونولـم كتيبـه=والبنادم يعرف اليومه عدوه من عميلـه
الطامي
يابن حامد مثلكم يعرف ادروبه موغريبه=وكل موتر يعجبك حسه ترى جديد موديله
كل غازي لاغزى ماهو يخاوي له زريبه=مايخاوي كون قرم بالمواقف هو عديلـه
[/center]