ياسهر حل في عيني لوقت الغسوق=في دروب الهوى قل لي لوين المساق
ياسهر لاتسوق الروح والقلب سوق=قبل الارواح تبرم للغرام الوفاق
ادري ان الهوى ناره تخلف حروق=وادري ان الهوى لاهي وحلو المذاق
غير وش حيلتي لاقام رعد وبروق=من هوى قلب مايشفيه غير العناق
كل ماقام بنبض قلت بالله روق =قام ينبض كما دجله وفاض العراق
من هوى ضبي كله قام ينبض وشوق=كل من شاف قلبي قال جاه انسراق
لاتلومون قلبي لو يصير امفلوق=من هوى غرو له بين المخاليق لاق
يا نغم صوتها لاسال بالحرف ذوق=ياشذى عطر همستها ولوعة فراق
حبها حط حول الروح والقلب طوق=لين صارت مسافاتي وكل النطاق
هي جمال الوصال وغيرها مايلوق=هي دوى علتي قولو لوين المساق