البارحه جانـي عـن النـوم لـداد = قامت هواجيسـي تجينـي مواريـد
ميرادهـا فالقلـب والقلـب معتـاد = ياماشكى مـن مخلفـات المواعيـد
ان طاوعتني طوع جتنـي بلاجهـاد = واليـا عصتنـي جبتهـا بالتهاديـد
ياماحلاهـا لابـدا الفكـر نـشـاد = هواجسٍ تاتي علـى غيـر تحديـد
بنـات فكـرٍ بيـن صـادر ووراد = تبقى على بيض الصحايف شواهيـد
باسباب طفـلٍ تـو مـازم الانهـاد = تـو النهايـد طالـعـاتٍ مفـاريـد
سوات بيض الطير في روس الاعواد = بيض الحمام اللـي يجـر التغاريـد
راعي جديلٍ فـوق الامتـان كـداد = ظـلام ليـلٍ حـالـكٍ بالمسـاويـد
ومبيسم احمـر كنـه النـار لاعـاد = وسطـه ثمـانٍ كلبوهـن مراصيـد
عينه عيون الحر لاصـارت احـداد = شرسه وتذبح كل منهو نوى الصيـد
منهو نوى صيده من الصيـد مافـاد = حصيلتـه جـر البكـى والتناهيـد
وحصيلته دمعٍ علـى الخـد مـداد = والليـل كلـه مايعـرف المراقيـد