يقول فلاح مندبا علي :-
ازهـمــو مـنـصـور كــانــه لـلـقـوافـي طــربــا= شـيـخ شــرّف فالـمـواقـف لابـتــه واجـــداده
اعــرفـــه ربـــــان رافـقــتــه رفــيـــق الـــدربـــا=يـفــدي اصـحـابـه بـروحــه مـابــرد عـــداده
الله الــلـــي وفــقـــه لـلـخـيــر جــيـــد ذربــــــا=يـعـرف المـقـصـود مـاهـمـه مـــن الـجــلاده
يارفيق الدرب ضاق الصدر والغيض اربا=قلت مالـي غيـر قـاف الشعـر مـن سـداده
ياوجودي وجـد شيـخ اهـل العـراق الجربـا=او وجـود ابـو عـدي ويشـوف قـتـل اولاده
مــن رجــال اتغـيـر الالـــوان مـثــل الـحـربـا=نقـص بيـن النـاس ياتربـى عليـه احفـاده
شفتهـم فالوقـت يمشـو فالخساسـه سربـا=تحت حكـم ابليـس ويغنـون معـه انشـاده
المـكـارم شــرق عـنـهـم يـــوم لـقــو غـربــا=والـمـدى مـاغــاب عـنــي بـايـنـات ابـعــاده
هـدهــم ربـــي وصـــارو كالـجـمـال الـجـربـا=كـــل مـايـرغـي عـجــز دكـتـورنــا بـانـجــاده
شفت نار الحقـد جـوف صدورهـم والكربـا=وكــــل حــاقــد بـايـنــه للعـالـمـيـن احــقــاده
ماكلـيـنـا حـقـهـم وش لـــه يقـيـمـو حــربــا=للطـفـاسـه يـرسـمــون احـلامـهــم ونــكــاده
ليت بعض الناس يبني حـول بيتـه زربـا=كــان مـاجـا راعــي الكـهـرب وخــذ شــداده
وانـت يالطـامـي درســت العـلـم والا شـربـا=اعطنـي رايـك ومـن جمـر الضـرام اخمـاده
رديت عليه بما هو ادناه:-
مرحبا ياللي تحب الود مني وزود قربا = بالسعد نبشرك واللاش نشوي له جراده
ماخربنا قد ذخرنا في البعيد ان شن حربا = كيف وحنا بالقروم اللي معرفتهم سداده
من بقانا في اللزوم نجيه من شرق وغربا = ومن شمال نجيه وان هبت جنوبيه زناده
وسع الخاطر ترى الدنيا مع العقَال تربا = وان لقت شلة عفوز دحدرتهم للقراده
ياوجودي غيروجدك من بغى يطلع تدربا = حولت به من علاها وراح عمره بالوساده
او وجود اللي فقط ولده بعد ماكان طربا = ماعليه الا الوحيد وراح ماعيَن مراده
ذاق نفعه قبل موته دايما يشل كربا = وصفق ايدينه وولول يحسبن صفقه عباده
انت رجل تعرف ان بليس وشلاته تخربا = دمت تعرفهم فلالك مع مودتهم اراده
الصبرمحمود خيرمن الانهزام وقيل هربا = وقفتك في وجه ضدك تمنحك قوة زياده
وباب يجيك بريح سده لاتعقَبه اتغربا = خير من فتحه سداده لو يغيثك من مداده
الحلم هو سيد الأخلاق في الرومي وعُربا = من حفر لاخيه حفره طاح فيها وذا جهاده
مانفع الريس الصربي هروبه بكل دربا = قدرة الوالي رمت به مانفع كثرة عتاده
وقد تجيك علوم من قاصي ومن داني وذربا = ثم كل حصان له كبوه ويرفاها عماده
جاك علمي واجتهادي دون مجهود وضربا = جعلنا صبنا الهدف لوكان جنبنا الحداده