[الطائر المهاجر]

من يخدعه شوفه وتغريه الازهار= من فوق جحر مادرى وش خوافيه
يمكن اذا ادخل يده يلقى به حمار= ويمكن يلاقي جريو يجهل مواريه
كانه حمار فيعرفه دوم نكّار = يحتاج بعض الحين ربطٍ لرجليه
المشكل جريوٍ محبب للانظار= من شاف شكله قال يمكن اربيه
ويصير لي في يوم درعٍ وتذكار= ما يدري ان الجرو يرجع على آبيه
يكبر ويصبح خطر في كل مشوار= ولا يامنه في يوم ينهش علابيه
فالحرص زين وفيه نفعٍ للاخيار= ومن لا اخذ به خاسر في مفاليه
ماكل ما يغريك شوفه من اشجار= ينفع ويحمي من هجع في ذراريه
وما كل ما تكره لشوفه من اطيار= فيه الخطر فاركد وفتش مخابيه
الله عطاك العقل ميزان مسبار= والله عطاك القلب فاحكم خطاويه
فالعقل لاقادك يجنبك الاخطار = والقلب لاقادك خذك في مهاويه