[منيع]

الصداقه والصديق ذالك الدرب الطويل الذي به الكثير من المواقف المشرفه والمحزنه والاليمه في نفس الوقت وهو بلى شك طريق شاق في مسار هذه الحياه المليئه بالعجائب والمتناقضات وهذه ابيات سطرتها منذو فتره وكانت وليدة وقتها انذاك ارجو ان تجد متسعا لديكم للوقوف على ابياتها والله يرعاكم
-----

وين الصديق اللي على شوفه اشتـاق=لاماخلـق جنسـه ولاهوبـالارحـام
مافيـه غيراللـي منافـق وبــواق=يغترفيـه اللـي حمـل قلبـه اوهـام
مادام له حاجـه يحطـك بالاحـداق=ولانقضت ماهوعلـى ديـن الاسـلام
مافيه مخلوق تحـت سبـع الاطبـاق=نقدرنقـول انـه رفـيـق وجــزام
اجل ومن قسم على الخلـق الارزاق=ان الرفيـق اسـم والباقـي احــلام
ومنـه تسمـى بالصداقـه ولـه لاق=من بعضهم يشمـخ بـه المـدح للهام
هـذا لـه اغـراض دنيـه ولـفـاق=يرقابـك المريـخ ويوطيـك باقـدام
دنيـا حـوت بطرافهـا كـل نعـاق=ومنـه يكذبنـي اسجـل لـه ارقـام
قلته وانا من جور الاصحاب برهـاق=ماشفـت لـي خـل وفـي وهمـام
عاشرتهـم والقلـب ديــوان ورواق=ولاطفتهـم بالـود والحـب وحشـام
ولاعبروني يوم فيني الفضـا ضـاق=راحووانادمعـي اكـفـه بالاكـمـام
ناشدتهم باسـم المعرفـه والاخـلاق=ميراتركونـي وزرعودربـي الغـام
وفزيت من حلمي وقلبـي بعـد فـاق=وعرفت يوم الضيق اني مـع اصنـام
ذا موقفـي ولكـل مطـرود لحـاق=والسيف وسـط اخبـاه ماهوبصـرام
عرفي وحد عرفي على بيض الاوراق=وجهة نظر للي غـدى جـوه اعتـام
هـذا وكـل لــه مفاهـيـم وذواق=ومن يجهل الاحكام ماصـدر احكـام

-----