[عمر ال شيبي]

المشاركة الأصلية كتبت بواسطة الطائر المهاجر

احس مثل اللي من الجو مخنوق = مدري البلى مني او انه زماني
وشوف كلش قلب والثوب مشقوق= مهما يرقّع ينفتق يوم ثاني
واشوف كرعان الاوادم غدت فوق = والروس تحت وكل راسٍ يعاني
يالله دخيلك من زمان به النوق= تسيدت مع بومها والحصاني
واللي تعّود في حياته على البوق= اصبح بوقته شيخ لو كان داني
واللي منافق عارفٍ وش يبي السوق= كل راس ماله هرجة في لياني
المصلحه غايته ما يمنعه عوق = فلا دين او مبدا يحكمه ثواني
المشكله مثله يعرّف بمنطوق= هذا مرن يصلح لجر السواني
ومن عقب ماهو في المتاهات مسحوق =وصل النجوم وعانقته الأماني
وصرنا نشوف الكل يخرج عن الطوق= فالوقت يبغى والطموحات جاني
ومن عاش عقله قايده قيل مطفوق= وإلا صتيمه راضيٍ بالهواني
جرمه عزيز النفس ما وافق الذوق= فلا له مكان وخاسرٍٍ للرهاني
يعيش هم وغم بالضيق محروق= ويضيع حقه بين حاني وماني
يالله تعدلها على كل مخلوق = وتفك ضيق اللي بزمانه يعاني

الين انها جياشه وقويه طال عمرك

يا جزل المعاني

صح لسانك مليون المليون

هذا زمان اليوم يالطير مدقوق = دق الوشم بالكيف ما لك عواني
حط القدر عالنار وانفخ لها روق = بانت على العربان غولة صواني
بيها حنيش الصدر يلعب على طوق = بيتن سكنها الخرب ما به تهاني