[الطائر المهاجر]

بحور الآم وشراعي وليلٍ حالك الظلمه = توجهني مجاديف القدر والغيب مدري به
ادور للأمل بسمه وحبٍ ضاع في الزحمه = بلا مينا شراع الوقت لفّتني عذاريبه
حبيبي قلت لك يكفي على طفلٍ شعر يتمه = لقى نفسه بدرب الحب تايه في محاريبه
يسافر في عيونك ليل يمكن يلتقي اسمه = ولا يقدر على بعدك وهجرٍ زاد تعذيبه
سنين اطوال بالغربه بلا عطفٍ ولا رحمه = متى لو تسمحي تدري عن الحب ومطاليبه
حبيبي والعمر ولاّ.. حقيقه الحب او رسمه! = ابي مرّه تصارحني فمهما كان راضي به
اساهر ليلي الجاير اناجي البدر والنجمه = وانادي طيفك العابر بعد ما طول الغيبه
تعالي وافتحي قلبي وشوفي الحزن والعتمه = وشوفي جرحك الغاير يجر الصوت ويجيبه
يقول الكون من بعدك تلاشى وانتهى حجمه= بعين اللي فقد حبه نسى حتى مكاتيبه
تعالي بس نتفاهم ونزرع للأمل بسمه = ولو احلام نبنيها بلا شكٍ ولا ريبه
ترى شمس العمر تركض واخاف تعيشي الصدمه= اذا من قيل محبوبك هجر دنياه وصحيبه