السلام عليكم ...
عدنا والعود احمد ...
ولذوائقكم هذه المشاركة .
تـــاج الـبـنــات
غرّدي يالمشاعر ، بالمعاني النظيفه
................ علمّيهم مبرر، نظمك ، اللي حداني
ارسمي لوحة انواع القوافي العسيفه
............... تثبت ان الشعر بالعسف له فن ثاني
وضّحي ، للي ماجرّب مفارق وليفه
................ ان الإبداع سحره ، مندفن بالمعاني
من عذاب الفواد اللي تزايد رجيفه
................ طول ليلي أقاسي من فراقك واعاني
ياشقا ، من قتلتي بالثمان الرهيفه
................ فيك سحرالقلوب وفيك لمسة حناني
بسمتك لي لطيفه وانتي فعلا ٍ لطيفه
................ ياقمر ليلة ، الرابع عشر، يوم باني
انتي تاج البنات وماانخلق لك وصيفه
.................. وانتي كل الغلا ياساكنه في كياني
دوحة الحب صارت في ضميري مريفه
.................. ياهوى القلب والغاية وكل الأماني
لو تمرّين ، عند اللي ، عيونه كفيفه
............... شاف قلبه جمالك واوصفه باللساني
أو رفع برقعك لفحة نسم ٍ طفيفه
............. يجهرالعين خدك ، لوهي رمشة ثواني
الهوى ، حطّه الله بيننا ، بالنصيفه
............ نصف قلبك ، وقلبي صاير ٍنصف ثاني
محمد بن عمار