[سناعيس]

لقد أرسل لي اخي الغالي عبدالله الشويمان ( أبو بدر )
برسالة خاصه هذه الأبيات الرائعه وقمت بالرد عليها بردي المتواضع وارسالها له ولكن خاصية استقبال الرسائل لم تفعل وكان لزاما علي ان اضعها هنا لكي يطلع عليها
مع الاعتذار الشديد عن قصور الرد وتواضعه

المشاركة الأصلية كتبت بواسطة عبدالله الشويمان

الاخ سناعيس تقبل مني هذه الابيات..

يامن بإسمك سين ولام وياء وميم وألف ونون=يابن السكيبي يا سناعيس المونس للجليس
يابن الطنايا اهل الكرم من عهد حاتم تذكرون=الخاطر إن جاكم مسير ما رجع منكم فليس
يالصاحب اللي غيبتك عنا تثير ابنا الضنون=وين انت عن ربعك فقدنا طلتك ما لك رميس
الله يحفظك بغيابك والحضور ولا تهون=دعوة اخو من قلبه الصادق مهوب الهرمسيس
ارسل سلامي لك على متن السحايب والمزون=تشوف فيها البارق وتسمع رعدها له مسيس
هملولها من وين ما وجهت رشك في سكون=ديمن يلطف جوك ويسقي ديارك دون قيس

ولك جل احترامي

ياهلا والله بالغالي
كيف الحال والأحوال والله اني مشتاق لكم
وكلي أمل بأن تتقبل هذا الرد المتواضع

ياكم بقلبي لك غلا يابو بدر لو تعلمون=ما اقولها مجامله والا على شانك ونيس
يابن الكرام اللي لهم فعل يعجز للضعون = يشهد لهم كل الورى وخصوص لاحمي الوطيس
بني وايل خوال أبوي بفضلهم مايجحدون = العزوة اللي نفتخر في قربهم من غير ليس
أنا أشهد انك وافي وكل الفطاحل يشهدون=طبعك نعرفه يالغلا مانته بحاجة من يقيس
أنا مثل غيري يغيب وكلهم ما اسرع يجون=لاصارت الغيبه عن اللي قدرهم يغرس غريس
أنا غيابي أتعبه شوق وهيام يلتجون = بأقصى الضماير لاجلكم يالغالي ويحمس حميس
يارب يجمعني بكم من غيبة فيها شجون=واشوفكم واسمع لكم يامن لكم بالقلب ضيس

تحياتي