صكـة فريـج ومفتـرق للـشـوارع=وقلبٍ على جاله من الحب مصـروع
الهَجَر فـي شـرع المحبيـن شايـع=والوصل كـلٍ يطلبـه بـس ممنـوع
جيتك علـى كفـي حصـاد المدامـع=بين الأصابع برعم الـروح مـزروع
ود وغلا واحسـاس والشـوق رابـع=و ذكرى على جدار الوهن كلها صدوع
أدري بأنـك للهوى مانـت سـامـع=وادري الرجا ياصاحبي فيك مقطـوع
لكـن وشالحيلـه اذا القلـب خاضـع=لليوم يضـوي لـك قناديـل وشمـوع
إدمان هذا الحـب قـض المضاجـع=ولا بلّ كبدي بالوصل منـه قرطـوع
فوق الحـدب جمـر التناهيـد والـع=و وسط المحاجر جرح الايام منقـوع
ياقلب يكفـي منـك شحـذ المواجـع=تراك في من تعتقـد حيـل مخـدوع
الطيب والإخلاص في النـاس ضايـع=والحب في كل القصص مات مفجـوع
يا قلب وان عـوّدت مانـي براجـع=تعبت اسَكَت نهشـة الجـوع بالجـوع
الفرق في مـا بيننـا صـار شاسـع=رح في طريقك والعتب عنك مرفـوع