[هترل]

من خصنا عدناه حشمه وتقدير=ومن عافنا عفناه ماهي ظليمه
الدنيا فيها الشر وايضاً بها خير= فيها العقول الصاحيه والسقيمه
فيها على ما قيل من باب تصوير=شرطي وحرامي والعلاقه مقيمه
ماكل رجلٍ نحسبه سالم الزير=ولا كل برقٍ لاح تتبعه غيمه
بعض البشر شوفه هلال وتباشير=ولا الردي فرقاه ربح وغنيمه
تشتاق عيني للرجال المناعير=طيب السجايا والنوايا السليمه
طلق الحجاج اهل الكرم والتدابير= ربع مواقفهم تسمى عظيمه
وياوجد حالي كل ماغرد الطير=ثارت بصدري ذكرياتٍ قديمه
ذكرى عديل الروح سيد الغنادير=وذكرى نديمٍ يوم فارق نديمه
روح زمان الامس وايامنا غير=ضاع الوفاء ماعاد له أي قيمه
الخلق متغير وفي الوقت تغيير=(لا الذيب ذيب ولا البهيمه بهيمه
من طاح حظه مااركزته الدنانير=ولا العمود اليا ارتكز شال خيمه