[سهيل الشمري]

ياكودها لوْية عناني دون نِيشان اسْعدي =الله على قسْوة حظوظي يوم جادتْ في عناه
الليله الليله نشت مزنٍ النكايد والهدي =واشوف براقه توعدني ويمي ساق ماه
يالله تعين الحال من وضع ٍ دهاها واجْهدي= والله يصبّر خافق ٍ باللي تفرّشْه وغطاه
ماصابني كدّر حياة ٍِ شِفت فيها موْلدي = ياحيلة الله ويش اسوّي مع مدابير الحياه ؟
تاهت خُطى سعْدي واحسّ انّه تجرّن لِلْحدي =واحسّ داع الموت من يمّي يناديني دعاه
هذا سبايب من له بقلبي مقام ومقْعدي = من دون كلّ الخلْق حلّ وصار ماحي ٍ معاه
حلّ وتزعّم والله الشّاهد وصار الأوْحدي = يامر ، وينهى ، ياخذ ، ويعطي ، ويمشي في هواه
إيْ والله انّي شفْت به أمْسي ويومي والْغدِي = واللي يردّ لْغرْبة ٍ طالتْ وعنّاني بِطاه
الوِدّ له وحْده تفرْعنّي وربّي يشْهدي = وحرْم ٍ عليّ العشْق من بعده ليا يوم الفناه
واليوم اقوله ياعذابي ياشِتاتي واشْرِدي = ياويل حالي من نصيبي كان هذا هو عطاه
أبْعدْ وليف وحطّم احْلوم وتنوْمس باضْهدي = وازرا عليّا بالكلايف حسْب خلاقي علاه
ياحظّ ياحظّ الشّقى كبّلْت رجلي مع يدي = وادخلتني غِبّات حزْنٍ يعلم الله وش وراه
مقْوى على فكّ القيود ومات صبْري واجْلِدِي = يالحظّ مدْخلْك بإلهك ردّ بدْري في سِماه
وآخر كلامي بعْد ماحظّي سِفهْ لاِ تْوجّدي = نذر ٍ عليّا مايبا قلبي سِواها مايِباه
احْببْتها حب ٍ يفوق الحبّ كمٍّ واعْدِدِي = واسْرفْت في حبّه وربّ البيت وابْحرْت بغلاه
ياهيه ياشمسي وبدري والثريا والجدي = ليا بعد من نافن ابْخدْر وقدود ٍ مع شِفاه
أسائِلكْ باللي هويته منْك لاتِتْردّدي = (رقمٍ وعنوان وهويّه ) هامها القلب وبغاه