[الطائر المهاجر]

من يبلع لسانه يقولوا يتوفى = وانا ابلعه طول العمر ما توفيت
الجسم حيٍ لكن الفكر قفى= ومعه اللسان وكل سمعٍ به اوحيت
مطلوبٍ انساها على ادناة رفا= واعيش تمثالٍ ولو ما تمنيت
واجيد مسح الجوخ وآبوس كفا= حتى احصل كسب لوما استحقيت
مثلي كثيرٍ لو بفكره تخفى= فلسانك حصانك مَثَلْ منه مليت
اربطه لاتركبه واوقف بصفا = صف الذي ممنوع من صرف ياليت
ماعاد لي في مركب الذل شفا= فالله خلقني حر للراس عليت
ماهمني وقتٍ على الحر لفا= واصبح يهاب البوم لا قال وليت
رزقي على اللي عالمٍ ما تخفى= ولو هو على خلقه ترى ما تعشيت
من ذل نفسه فاعرف العقل خفا= اهمل قسم ربٍ فرض حج للبيت
بالنفس اقسم في كتابه وكفى= مفروض تكرمها اذا اصبحت وامسيت
نصف الجهاد بكلمةٍ ما تصفى= في قول حق ولو من الوقت عانيت
دنياك يابن آدم مثل رمل سفا= ما تستقر الاّ اذا انته توفيت
تطرد وراها لو بذلك تحفى = وف الاخره ترحل مثل يوم ماجيت