[بنت النور]

المشاركة الأصلية كتبت بواسطة الطائر المهاجر

يازمان الفشخره والمفطح والكروش= وش بقى بك ماظهر من عيوب خافيه
ما بقى به من بشر ما تأثر بالقروش = مرضت الانفس لجهل العقول الخاويه
التواضع انتهى وابتدا غرور الكدوش= كل واحد منتفخ من حضر او باديه
كل خادم يخدمه صف بنقال وحبوش= وكل مطعم يعرفه لو بحاره نائيه
ونوع موتر ما ملك مثله اوباما وبوش= والملابس كل يومٍ ملابس زاهيه
الغرب يبدع وحنا نتسابق بالهروش= وكل شي نستورده لوهو زيت العافيه
والغرب سيطر بفكره وتجهيز الجيوش= والعرب يحفر بعضهم لبعضٍ هاويه
الدماغ اليعربي لو نلاقي به نقوش = كلها فخر بوهم القرون الماضيه
الخلق يتطوروا والعرب مثل الكبوش= غرهم نفطٍ مؤقت بصحرا خاليه
ومن درس برا يجي بالشهاده به رهوش= كل همه كيف ياصل لرتبه ساميه
ولو ندقق نكتشف مخ فاضي ومغشوش= ما خذا إلا قشورٍ او شهاده واهيه
يوصله واو وظهر مثل غيره من جحوش= لين ما ياثق به اللي عيونه الغافيه
ولا تمكن يبتدي مالقى بدربه يحوش= مستعينٍ بالربع او سقيط الحاشيه
ونشتكي ليه انحدر وضعنا رغم القروش= والسبب واضح لمن يبغي داره عاليه

جزل ومبدع
صح لسانك
ولاهان راسك
تحياتي واحترامي