السلام عليكم ...
مساكم الله بالخير
و النور و السرور ..
مشاركة متواضعة عسى ان
ترتقي لشموخكم الباسق ..
ما كل من يجهد مصيب
أهلا ًهلا يا مرحبا ، وألف ترحيب = باللي نهار السبت أبدى المودّة
الصاحب اللي ارسل القاف ترتيب = حق ٍعلي ّما وصلني منه اردّه
ماشفت في ممشاه ميل ٍ وتعييب = الجود ورث أ بوه من جد جدّه
الطيب من مجناه ، مافيه تعقيب = كل ٍعلى أصلّه دوم يرجع مردّه
في العين مايحتاج زوله لتقريب = وفي القلب حبه ماخذ ٍ كل حدّه
ملتني ، الأيام ، عَد ٍ وتحسّيب = الله من شهر ٍ ، مضى له أعدّه
ولوحدّت الفرقا على شقـّة الجيب = غلاه شيء ٍ صار مامنه بدّه
من غيبته لو هو كسا راسي الشيب = من ودّنا في الله لازم نودّه
كل ٍ يقول الصدّ والبعد تعذيب = لاصار من شخص ٍ تمادى بصدّه
وأقول أنا ماكل من يجهد مصيب = بُعده ترى ياناس ماهو بودّه
بعض العرب هرجه لباقه وتهذيب = لا من هرج ما عاد ودّك تهدّه
وبعض العرب يحتاج علم ٍ وتأديب = لا من هرج ودّك طراق ٍ تلدّه
وكلّش بهالدنيا يجي له تسابيب = بالك تقول الحظ والوقت ضدّه
محمد بن عمار