السلام عليكم ورحمة الله وبركاته ......
يا هلا ومرحبا بكل الاعضاء كل عام وانتم بالف خير الله يعيده علينا وعليكم بصحه وعافيه وعلى جميع المسلمين..
واليوم مني لكم اخر قصيده كتبتها وانشالله ترتقي الى ذائقتكم وتنال على اعجابكم ...
العيد مر وكل حي تعيّد=ياهيه ليه اليوم ما شفت عيدي
وش حال قلب اللي بقلبي تقيّد=اللي عليه اشفق وحبّه يزيدي
اللي بدربه دوم رجلي تسيّد=دايم على دربه ومربوط قيدي
مدري وش اللي في حياتي محيّد=لا طاح حيده لا ولا طاح حيدي
يا صاحبي حبّك بقلبي تشيّد=طول الغياب اليوم وش هو يفيدي
والبعد نار البعد يا صاح كيّد=فعله بقلبي ياحياتي شديدي
احلف بربّي انت هاليوم سيّد=يا فرحتي لا قلت شوفوه سيدي
كثر الغياب اليوم يمكن يبيّد=ذاك الغرام اللي مشى في وريدي
عوّد ترى نار(ن) بقلبي تقيّد=ما ينفعك كثر الولع يالرّغيدي
عاجبك حال اللي لحاله وحيّد=ما همّه الا اللي تبي وش تريدي
وش صاب قلبك ما شي(ن) به شديّد=ما كنّه اللي شايل(ن)عطف ميدي
شفني انا للحين ماني معيّد=شفني انا لليوم ما شفت عيدي
وسلامتكم ......
والسموحه عالقصور.........