سرى ليل الهموم وعز عن عيني لذيذ النوم=وتاه الفكر في ذكرى الزمان وثار الالهامي
تذكرت الليالي الفايتات بلوعة المحروم =وقمت اقراء شريط العمر واذرف حبر الاقلامي
على حكم القدر سرنا حسب نهجه ولابه لوم=وراح الوقت بين احزان روح وجرحها الدامي
ركبنا الموج فوق بحور شوق وغدرها معلوم=ولا حققت حلم العمر من خلفي وقدامي
على مركب غرامي مامعي ضالم ولا مضلوم=على الحرمان عايش والهوى في بحر مترامي
اراجع مامضى من ذكريات وقلبي المحروم=واصورها على بيض الورق ياكبر الالامي
اشوف الناس من حولي وانا من بينهم مكلوم=وكلن حقق احلامه وانا المجروح والضامي
رضينا بالقدر يوم القدر حاكم وانا محكوم=الا يالله تفرج كربتي وتحقق احلامي