للتواصل مع قلوبكم إليكم هذه المتواضعة
تفضلو بكل سرور ...
.
.
.
.
قـم ياقصيدي وانظم القاف لاهنت=وياهاجسي قدم من الجزل مالاق
مالاق من جزل المثايل إلى كنت=مع سجّت الأفكار تبحر بالاعـماق
واسمى المشاعر هاتها لى تمكنت=وابلغ تمام القول بالصدق يـنساق
في حق شيخ ٍ بالوصل فيه ثمنت=الواجب المفروض لو هو بالآفـاق
شيخ ٍ في قلبي له من القدر كونت=صدق المشاعر والمحبه والاشواق
وانا الذي من واهج الشوق أيقنت=اني على .. شوفة محياك ..مشتاق
ومالي جدا من مانع ٍ ما تمكنت=أرد أمر ٍ يرغم النفس تنساق
أسوقها على عهود ٍ لها صنت=يمين ربي ثابت ٍ فيه مـيـثاق
يابو سعد ياذخرنا والفخر أنت=عبدالله العمار ياشمس الاشراق
سقت القوافي من ضميري ودونت=دونتها من صافي القول بصداق
أبغى السموحة والعذر منك لاهنت=ولا هان راس ٍ في سما المجد براق
واختامها دوم ٍ على القول زينت=صلوا على نبينا عد الاوراق
عبدالعزيز بن سعد العمار 1428هـ