ياقلب صبرك لاتعجل واكسب الاجر الفضيل = الصبر محمودٍ وتكسب به اعلومٍ وافيه
هذا زمان العولمه والتيش ابو قلبٍ هبيل = ياقلب سايرهالزمان ان كان تبقي العافيه
البوم غنى وارتفع صوته وهذا اكبر دليل = والذيب عداه العشاء من هو اعلومه هافيه
دنيا نشوف بها الاسد يخشى على نفسه ذليل = يخاف من ظله يقول علومه اللي خافيه
وان كان تبغي زبدة الموضوع والعلم الذبيل = لاجنبك شر العرب احذر طريق اللافيه
دنيا نشوف بها العجب لاتقول هذا مستحيل = اقلوب اهلها لو هم اخوه شفتها متجافيه
ماتامن المخلوق لو يسقيك بيده سلسبيل = جعل الردي امهان واثره تقتفيه السافيه
ماينلقى الخل الوفي لو انت عنده كالدخيل = مهما تسوي للردي تجيك ضوه طافيه
الحنظله على اصلها لو تنسقي من شط نيل = من كان ساسه للردى ماتنفعك به رافيه