[الطائر المهاجر]

اضحك مع الناس ربابة بلبل الفطاحله

وبصوتي

اضحك مع الناس واخفي ما يعنيني = ومن شافني يحسب اني داله(ن) سالي
ولا صرت وحدي لفى حزني يخاويني= كنه مكلف من الايام بوصالي
آه(ن) على آه من حرات تكويني = تلسع على القلب لسع الداب يبرالي
اجر صوتي ولا القى من يواسيني= كني كسير(ن) يصوت في الخلا الخالي
الله يا دنيتي ليه امتحنتيني = وش عاد باقي تخبي لاحق(ن) تالي
من وين وجهتها ترجع وترميني = بسهم(ن) على القلب حطم كل آمالي
الوقت ماهوب وقتي لا تضديني = مقدر اساير زمانٍ فيه إذلالي
الله خلقني من احرار الشياهيني = كرامتي عزتي في راسي العالي
مقدر اوطيه لو وقتي يجافيني= وحتى ولو شفت ندباته على عيالي
اصبر واصابر فلا الرحمن ناسيني= في يوم تفرج ولو طول بي الحالي