الا يا زمن راح العمر وش بقى تالي=بذلت الجهد وازريت ما في يدي حيله
الا يا زمن راح العمر وش بقى تالي=بذلت الجهد وازريت ما في يدي حيله
ألا ليت ربي يرحم الحال والبالي=ويجعل بقايا العمر زينه محاصيله
شبابي وولا يحمل إثقال الاحمالي=عسى الله يقبل زينها وشينها يزيله
فلا عقب سن الرشد إلا هرم بالي=ومن يعمره برضاه عنده لقا كيله
ألا يالله إهديني وطيب لي الفالي=وذريتي وهلي وكل مسلم وعيله
أنا عبدك المسكين يا عالم احوالي=ومالي إلهٍ غيرك وربٍ أشكي له
أبي تغفر الزله أيا محصي أفعالي=يغافر ذنوب العبد اذا صار له ميله
فأنت الله القادر وأنت الله الوالي=هدايتك في طوعك الى العبد تمشي له
ويسر لي يا ألله أموري بالاعمالي=وسهل وكل امرٍ عليك انت تسهيله
وأمرك مبين الكاف والنون يالعالي=ملبَّا بكلمة كن يكون بتكاميله
ويالله انا طالبك من ضمن اقوالي=عسى من بدع بالقاف ألكل يدعيله
نواياه فعل الخير ولا شك وجدالي=يبي نظم زين الشِّعر يسبق على خيله