ما ياخذ الـروح غيـر الله باريهـا=
اللي خلقها هو اللـي حـدد ايامـه =
والروح لازم تلبـي لامـر داعيهـا=
لازم تلبي لفـردن تسـري احكامـه =
اللي خلقها مـن الاجـداث يحييهـا=
لوهي رميمن الاهي يحيـي عظامـه =
للرب حكمه عـن عبـاده مخفيهـا=
لو حدد العمر عين العبد مـا نامـه =
ونفس ابن ادم تغره فـي تهقويهـا=
الله هو المعتلـي والنفـس لوامـه =
علام با سرارهـا غافـر مساويهـا=
حنا عبيده تحـت عطفـه واكرامـه =
فرض علينا الشهاده وابتـدا فيهـا=
واللي نطق با الشهاده يقبل اسلامـه =
وخمس الصلاوات واجبنـا نوديها=
بوقاتها مايوخر فـرض عـن زامـه =
وزكاة الاموال عند الحـول نوتيهـا=
تطهير للمال شكر الـرب وانعامـه =
والصوم نفسك على التقوى يربيهـا=
الفوز موعـود للـي تمـم صيامـه =
والحـج مـره لمكـه لا تخليـهـا=
من استطاع السبيل يجهـز حرامـه =
احرص وتابع ونفسـك لا تراويهـا=
الحرص واجب كمال الدين باتمامـه =
ما احدن هدى نفس ربك ماهو هاديها=
ولا يعلم العبد وش مكتـوب قدامـه =
اذا لطـف ربـك بنفسـن ينجيهـا=
ولا تنقبل توبتـن لا قامـت قيامـه =
تر العمل نيتن بـا القلـب ناويهـا=
واللي هلك ما تفيده عظـة ابهامـه =
يعلـم نوايـاك ربـك لـو تخفيهـا=
ومن حط با النار ما تشفع له ازلامه =
احذر تغرك حياتـك فـي مباهيهـا=
لو صابتك نعمتـن ماهـي بدوامـه =
منيتـك مـا بمقـدورك تفاديـهـا=
يا طامعن با الحياة وخيرتـه خامـه =