منتديات الفطاحله - عرض مشاركة واحدة

المغترب · 23-05-2007, 07:09 PM

اقتباس:

المشاركة الأصلية كتبت بواسطة أم زياد

من يضرب الحرمه جبانٍ من اقصاه=لو به شجاعة كان حلمـه يباريـه
حرمتك سترك تحفظ اسمك وتحمـاه=ان كنت حاضر او مسافـر وتغليـه
لاتحدّهـا تثـأر بلحظـه مـن الآه=من حرّ ما توجس ببيتك ولاضيـه
تنـدم علـى فعلـك بحـبٍ ترهّـاه=وتهدم حصين البيت لا شئ يبنيـه

صح لسانك يا أبوعبد الله على هالحكم والدرر

لكن هذي أخالفك فيها والله بعض الأطفال ما يمشي إلا بطق مثل الحمار الله يكرمكم
وبعضهم من يوم يشوفك محمر العين وبعضهم والله هاديه ربي ويخاف على زعل أمه وأبوه وأحبابه وبعضهم من يوم يشفك قمت تعاتب وتشره عليه على طول يتعدل
وبعضهم عليه العوض ومنه العوض والله ما ينفع فيه شي إلا إن تصبر عليه وعلى أذاه وكل هالنوعيات موجودة عندي في عيالي وأخواني مع إني أكره ولا أحب أضرب أحد منهم بالنسبة لأولادي
أما الغير فما أذكر إني مديت يدي على أحد مهما كان عمره ولا خطأه

وهنا أنا معك يا المغترب بس ألحين ما عاد عندنا ناس تخاف من الله لا طلابنا ولا عيالنا كلهم الله يهديهم بس
إذا طقوا كفروا بالطق والله لوك تطق يهودي ماتطقه بهذه الطرق اللي نشوفها كل يوم فضيحة بالجرايد
وتعرضنا لبعض مواقف الضرب في موضوع المعلم اللي ضرب الطالب وأجبره يقبل جزمته أعتقد هو كذا
لكن لو يرجع الضرب في المدارس لكن يكون فيه رقاقبة مشددة وضرب فقط للترهيب وليس للتعذيب
يكون أفضل والله أنا أشوف ولدي يجي من المدرسة ويرمي الشنطة ولا عاد يعرفها إلا بكرة وهو رايح صحيح هو تقاديره ممتاز بس ماتقبلت دراسة بهذه الطريقة
والمشكلة يقول ما يعطونا واجب مو معقولة صف رابع ومافيه واجب؟؟؟
أذكر تكسر إيدينا من كثر الكتابة وهذا للأسف بيطلع لنا جيل حتى ما يعرف يقرى كتاب القراءة
فما بالك بالقرآن وصراحة مسألة التقييم بتجيب نكبة لهذا الجيل ولأهلهم بعد

لكن هذي ؟؟!!!
والله إذا هو كف على الماشي ممكن أبلعه وأفوته بس بشرط أرده

هههههههههههه

لكن يضرب ويكفخ ويكسر يد وضلع ونقول أهون من الطلاق صعب 0جــــــــداً ما راح
أتقبل العيش معه لو بيكون فيها موتي مو طلاقي

لأنو والله أسمع صديقاتي المدرسات يقولون قصص تدمي لها القلوب
وأخر قصة من كم شهر -------------

وحدة زوجها ضاربها بالسلاسل الحديد عشان تعطيه راتبها بيسافر أو مدري شقصته

وما وافقت حتى مع الضرب وقام وشالها ورمها بالوادي وقال إما تعطيني بطاقة الصراف ولا رحت وتركتس هنا

صراحة عالم غريــــــــــــــــب
وزمن العجايب وش بقى ما ظهر

هلا ام زياد

وانا لاا اقصد الضرب بسبب راتبها وخلافه ولكن زي ما فلتي كف على الماشي علشان تسكت

عموما الضرب الغير مبرح وفي ظروف بالفعل تستوجب ذلك

حتى المدرس هناك حدود له لايتجاوزها مثل يقرص الاذن بالقلم زي ما صار معانا اول او بالمسطرة او الفلكة ههههههههههههههههه

تحياتي