لولا الألم والحزن لولا المعاناة = ما شفت شاعر مبدعٍ في قوافيه
فهي الشراره تشعل النار بسكات= ومن الوهج يزفر بما كان يخفيه
ورجلٍ بلا معاناة عايش كالاموات= ولو قيل شاعر جاهلٍ من يناديه
ولو شفت شعره ينعرض في القناوات= ماهوب شاعر لو زمانه يماليه
وقت الردى خلاه بالشعر يقتات = ومن خلفه اصحاب المكاتب تعليه
ينغض عنه الطرف لا شال شيلات= ويقال بلبل لا رغا وانت توحيه
ولا من بدا يناقز بقلطه بحفلات= والربع بالتصفيق لفّوا حواليه
تلحظ بلوي لسان يطمر مطبات = وغيرك يشوفه شاعرٍ من يضاهيه
ومادام نستورد قشور الحضارات= مالوم شعرٍ تايهاتٍ خطاويه
صفصف وحط اللي يبون البنيات= واللي يبي مقلع بحمرا لياليه
وانشر صورك ولو بأردى المجلات= وفي كل نادي اشترك لاتخليه
إلا الفطاحل فابتعد عنه خطوات= رادارهم يكشف مخبي بلاويه
تصير شاعر ما تبي ايّة اثبات= وتثبت بأن الشعر ضاعت مباديه