اقتباس:
جاني ودمعه على الخد يتبـارا
باوّل شبابه بدا فيـه المشيـب
قال المـره حطمتنـي بقتـدارا
اصبحت قدامها ما نيـب ذيـب
ما عاد من نهي في بيتي يـدارا
وما عاد لي أمر أو رأي صويب
ما همها غير عطنـا بختصـارا
وان ما حصل شي تشني للغريب
وان ما لقيتها بداري والجـوارا
تقول بالسوق أو بيـت قريـب
تشك فيني مثل بعض الخكـارا
ونسيت منهو انا ، شي عجيب
وان جيت اوجه تحدتني جهـارا
تقول منته كفو ، طبعك غريـب
وان جيت اربي اتعذر للصغـارا
كبروا عيالي وكل فيـه عيـب
وضعي جدار تحت ظلـه تـدارا
وفي داخل البيت يحرقني اللهيب
يا حيسفا تجحد اللي يوم صـارا
تنسى فعالي ونا القـرم اللبيـب
اخذتها بعـد حـب مـا يجـارا
وضحّيت من أجلها باقرب قريب
قللي شسوي ترانـي بانهيـارا
اخاف انا انجن من قبل المغيب
قلت الحقيقة تبيهـا مـا تمـارا
جاوب سؤالي ولو انه صعيـب
اخاف داشر مرافـق للسكـارا
او لك خويّات دايم لـك نبيـب
قال العفو عيب شكـك فلحيـارا
وشلون ابدشر ونا ماكل غبيـب
قلت السموحه لشكي باعتـذارا
تبي لك دروس في طبع الحبيب
زوجتك مهره كما بعض العذارا
ممن تظن الرجل كبـش حبيـب
اعماك حبك ولاتدري المسـارا
ولا بد من حل ماغيره يصيـب
تغيب يوميـن والثالـث تـوارا
وفي يوم رابع يكلمهـا ذريـب
يعطي خبر جملة فيها اختصـارا
رجلك تجوز وخاف انه رغيـب
وفي يوم سادس تجيها بالنهارا
تشوف وجهك وتمشي كالغريب
وفي يوم سابع تجي ليل تـوارا
تحط راسك وظهـرك للحبيـب
نفـذ بحـزم لشهريـن تبـارا
وهات النتيجة عساها ما تخيـب
من بعدها جا وفي كل افتخـارا
وقام يتشكـر مخططنـا رهيـب
|
مااااا شاء الله تبارك الله طائرنا المهاجر
كلمات فى منتهى المنطقية
تسلم لنا اناملك يالغالى
الله يعطيك الف عافية
ودمت ولا هنت
اختك فى الله
كريمة