[الطائر المهاجر]

هذه القصيده وجدتها بالصوت مرفوعه على سيرفر المنتدى ولكن لم اجدها منشورة في المنتدى ، واعتقد انها من ضمن القصائد العديده التي فقدناها مع الإنتقال من مستضيف الآخر منذ اواخر 2005

"ياليتنا من حجنا سالمينا = كان الذنوب اللي علينا خفيفات"
بعثات ترسل من شمال ويمينا= ويرجع بعضهم والعقل فيه لفات
بافكار وطباع جديده علينا= "وش هالطوير بداركم" يالبداوات
كنت احسب ان العلم نوره يقينا= واثره ببعض احوال ليل ومتاهات
بعضٍ تناسى حقوق للوالدينا= وبعضٍ اناني عاشق النفس والذات
وبعض بحلتيته عقد حاجبينا = وشلون لو عنده مئات الالوفات
يحسبه داين ناسي انه مدينا= ومحد يدور من ورا الذيخ حاجات
اللي يجيب العلم فكره رزينا = يغسل لعقله من غرورٍ وآفات
واللي يجيب قشور لوهو ذهينا = ياسرع ماتكشفه بعض المطبات
وقتٍ تغير مع مرور السنينا= وغير نفوس سممتها الحضارات
يخيب ظن الرجل باقرب ضنينا= لاشاف بطبوعه تغير وميلات
فلا تامن الايام خلك فطينا = واخذ الحذر ممن رجع بعد بعثات