ياصباح الخير يادمع الكبير التائب = طول ليله يرفع كفوفه ويدعي ربَه( الطامي
وياصباح اللي من رصيده ساحب= مايحوِل للمهاجر ما يكفي دربه (الطائر
مايهمك كون نفسك وماتهم الناحب = لد سمعك واطلق عيونك تعدى الشبه( الطامي
شوف منهم في امس الحاجة وللراتب = واللحاف من الشتاء وراعي المرض لطبه( الطامي
خابرك مقحط ولا يوم تدي الواجب=لا زكاة تؤدي والنقد تلعب به(الطائر
كل يوم تزوج وللوناسه زاهب=مثل من همه يطرب في الحريّم ب ؟؟؟(الطائر
كل شخص يشوف الاخر مثل وضعه ناهب = وانت وضعك فيه شكه حبتين وحبَه( الطامي
ما سلم منك تكرونيه بالتكرنب ناشب=ما تبي العصلاء ولكن راغب بالدبه(الطائر
من يشوفك مايعرفك شك لونك راهب = مادرى انك تخلف الهقوه لخايف ربه( الطامي
كل مره تقول انك لبيت الله ذاهب=وانت في جده تدور لوحدةٍ مشتبه (الطائر
عادة العاجز يلعلع باللسان وناشب = وده يجدد فراشه غير قد هو رُبه( الطامي
خايفٍ من خبطة المشعاب من يد ضارب = خابره مافيه فود لكل بيضاء لبه( الطامي
الركب فيها عوج من كثر لفح اللاهب = والحصان ازراه ماعاده بيطرب نبه( الطامي
مانفع فيه المداوي دوم ماهو زاهب = كنه ام عزيز ادنى الدني تنشبه( الطامي
يشبه جمال البدو اللي خصاها الدارب = شل عرق اللي هديره دايم يلعبه( الطامي
احمد اللي جعلني للمساجد صاحب= زاهد في الحريّم لو تجي مختبه(الطائر
طول وقتي اروكع ما حسبت لحاسب=ومن اشوفه يبي الدنيا علي اكبه(الطائر
كل عود لاعجز عود بالمسجد قاعب = شي يعوض عن اشياء والله يرحب به( الطامي
ولا لفاني غزال في جماله طارب=قلت رزق لفاني ما بي لي منبه(الطائر
ماني مثلك ادور كل سودا بشارب=ما تفرق وتقضم كل سودا مغبه (الطائر
يحلم العاجز مايدري انه بحلمه غاهب = وكل رجل هاذا حلمه الحريم تكُبه (الطامي