[حرف وشعر]

بعض البشر لو تنتخى له= ودك على العليا ترزه
مالك على ذالك وسيله= مادام نفسه ماتوزه
طبعه كما نار الفتيله= اقل نسناس(ن) يهزه
والبعض ذيب (ن) فى الطويله=نايف وله قدر (ن) وعزه
متعود (ن) صنع الجميله= ودك تشوفه كل حزه
والبعض حلو(ن) ياحليله=طبعه عسل ودك تمزه
والبعض مايشفى غليله= والشر من عينه تخزه
يمسى يخطط كل ليلة=لادين لاسنع (ن) يكزه
يابومحمد لاتجئ له= ذاك اللئيم ولاتنزه
من كان يغدر فى زميله= يوم المصالح تستفزه
ماراقب الله فى عميله=عساه مايفرح بكنزه
ولجّودى ياصاح شيله= فى عينك اليمنى وعزه
ينفعك فى يوم المحيله= لافر عنّك من تلزه